Fermín Bouza Brey no Seminario de Estudos Galegos

Participou  na fundación  do Seminario de Estudios Galegos, unha institución  privada  que  pretendía  potenciar  a  investigación  universitaria e que  se  convertiu tamén  nun  dos  instrumentos  máis  eficaces  de  renovación  do  galeguismo  cultural,  cada  vez máis  separado  do  ruralismo ou  a  retórica  historicista dos  rexionalistas do  século XIX. No  seo  do  Seminario,  Fermín  Bouza-Brey  colaborou  en  distintas  seccións,  pois  sentíase  atraído  por  varias  disciplinas. Tomón  parte  en  proxectos  de  investigación  que  incluían  estudios  de  historia, arqueoloxía  e  etnografía.  Nesas  tres  áreas  desenvolvería  posteriormente  o  groso  da  súa obra  científica,  que  fixo  compatible, como tantos  compañeiros  seus, co cultivo  da  litera-tura,  especialmente  da  poesía…..

Dentro  do  Seminario  de  Estudios  Galegos,  a  figura  de Armando Cotarelo  Valedor,  catedrático   da  universidade  de  Santiago,  aglutinaba  arredor  del  ós  mozos  que   se  interesaban  pola  literatura.  Desde  moi  pronto  soubo  valorar  o  que  significaban para  as  letras  galegas,  carentes  dunha  sólida  tradición  literaria,  a  popularización  dos  Cancioneiros  medievais,  editados  por  entón  con  rigor  crítico  por  José  Joaquím  Nunes  e  estudiados  con  amplitude, incluidos  os  aspectos  métricos,  por Manuel Rodrigues  Lapa.  Estas e outras  circunstancias  deron  orixe  nos  anos  anteriores  á  guerra   civil  de   1936  a  unha  corrente  poética   denominada    neotrabadorismo.

Fermín Bouza Brey.

Fonte

Publicacións da Real Academia Galega 1992. Carlos Casares

Visión de Francisco Fernandez del Riego sobre Fermín Bouza Brey-(Seminario de Estudos Galegos)

Fermín Bouza Brey ten traballado, desde sempre, nos eidos da nosa cultura. Sendo aínda alumno da universidade compostelá fundou xunto a compañía doutros rapaces o Seminario de Estudos Galegos. A partir de entón a actividade literaria e erudita xa non deu pausa. Para Bouza Brey, as xentes e as cousas de Galicia, grandes e pequenas, a vida popular, a paisaxe arqueolóxica, a etnografía e o folclore constituen unha temática preferenta

Salvador de Lorenzana

Fragmento artigo Conversa con Fermín Bouza Brey

Galicia Emigrante, Num. 20, (1956)